قاره تون
بغریگه چومگن
هوا،
هوس،
سیس،
نفس،
بوغزیگه بوغگن.
دینگیز
صلابتی
ساکنلیک توتکن.
قنی یارقین چقماق؟
قنی تیز شمال؟
آغر هوانی
آقدیرسه
ساکن دینگیزنی
چاقدیرسه،
آپ آق قارنی
ییرگه
چوکدیرسه
مهربان!
یادینگده می؟
کیپریگینگ قلبیم گه
تیر اورگن کونی
باقیشینگ روحیم گه
سحر سورگن کونی
مین بوتون دنیانی
سین دیب، کورگنده
هم خدا، هم قبله
سین دیب، یورگنده
بی خبر حالیم گه
کولدینگ بیر دمی
ققشه گن قلبیم نی
یولدینگ بیردمی
مین یتیردیم
هم سینی، هم سیوگینی
هم امید، هم آرزو،
هم تویغونی
ایسته می من سیوگی
سیندن مهربان
ققشه گن قلبیم نی
قیتر، بیر امان
قلبی تولگن
بیر کتاب من
قولگه آلیب باقمه دینگ
چقنه گن اینجولریم نی
سین قولاققه
تاقمه دینگ
نقطه نقطه،
سوزمه سوز
چنگ فراققه
باتدی دل
صفحه صفحه
کوز آتیب
سوز دلیم نی چاقمه دینگ
طاقتیم تاق بولدی
کوزینگ گه ایلینمه ی
بیر دمی
نی اوقیب دردیم نی بیلدینگ
یا الو گه یاقمه دینگ
2009-07-04
حیات کوره ش،
ممات کوره ش،
جان کوره ش،
سین کوره ش اوچون توغیلگن پالوانیم.
هوا کوره ش،
بقا کوره ش،
نان کوره ش،
سین کوره ش بیلن بوغیلگن پالوانیم.
بيل اوریب بیشکن، سین
دهقان باله سی!
ییلدیزینگ یَیره گن،
یغاچ یاله سی!
سین بیلیب چیققن کوره ش میدانیده،
سین کوره ش گی سن، کوره ش دورانیده.
قیلمه گین پروای جان و آب و دان،
کوتمه گین کوچ باشقه لردن هیچ زمان.
سین یقیلمه دینگ،
یقیلمه ی سن بوکون.
سین ینگیلمه دینگ،
ینگیلمه ی سن بوکون.
سین فقط ایشان اوزینگ گه پالوانیم،
سین فقط ایشان کوچینگ گه پالوانیم.
سین بابر سن، سین تیمور سن پالوانیم!
سین یوتوق نسلی، باتور سن پالوانیم!
10-ینچی جون – 2009
ایاغ آستیده بیز کؤپریک بؤله یلیک
محبت، سیوگیدن تاشیب تؤله یلیک
زماندن اجره لیب قالگن ملت نی
جهان قدریَت لریگه اوٌله یلیک
ملت نینگ قیغو، رنجینی پایله شیب
بیر نان یمیزنی ایککی گه بؤله یلیک
قچانگه چه مین و سین دیب، ایریلیب
بیزلیک گلشنیده مودرَب سؤله یلیک
کیل اونوت! میده- چویده نزاکت نی
بیزهم بیرله شیلیک، بیزهم کوله یلیک
17. می. 2009
مرمرین برماقلرینگده،
ایلنردیم، تاولنردیم.
ایچ، ایچیمدن
مین کویردیم، کویدیرردیم.
طاقتینگ تاق بولدی آخر
بیر چیکیم تنباکودیک تارتدینگ دَمینگگه باریچه
آتشیم سوندی، یوقالدی،
بیر توتم کول قولده قالدی.
قالدیقیم ینچیلدی،
إیزیلدی،
ایاغینگ آستیده.
بارلیگیم دود بولدی،
یهیره لدی
وجودینگ اوستیده.
سین کولیمسهی سن،
کیف چوقیسیده
هر کونی مینگلب کیشی نی،
مین کبی
یاندیرر سن،
کویدیررسن،
دود قیلرسن،
کول قیلرسن،
لیک باقرسن، کولرسن
ای!
ظالم فلک.
۱۲. می. ۲۰۰۹
ایرکین وررک بولیب اوچدیم،
قناتلر کوک ساری آچدیم
یوکسلدیم، یوکسلدیم، یوکسلدیم...
کوکسی کینگ،
بغری تینگ،
مهری قیزغین،
کونگلی سیزگین،
ایلیق قویاشگه
یانداشتیم.
قرشیلیکدن یومشاق شمال،
ایرکه لر روحیمنی،
بو دم بی مثال.
گاه اوستون، گاه آستین،
گاه آلدین، گاه کیین.
کوز یومیب، آچیشگه بیرمه یدور مجال
سیکین، سیکین...
کوچی اوستونلیک قیلر،
ایسیق قویاش تیغی بغریمنی تیلر.
تیتره گن روح و تنیم!
یوکسلیش یولیدن قَیتیش دور محال.
حیاتیم باغله گن کوچلی مَیین تار،
ناگهان یقه منی تارتدی،
آغر اویقودن اویغاتدی.
شکر...
قورقینچ بیر توش اوتدی.
29- اپریل- 2009
بوکون سیزلرگه اینگ کوپ سیوه یاتکن بیر شعریم نی تقدیم ایته من:
حیاتیم!
چقنه گن کؤزینگ گه باقدیم
چوقور دینگیز،
اوزون، سونسیز،
قره شلرینگ گه باتدیم
کؤزله گن، کؤرگولیکلرگه
إیتمسدن،
تنله گن یولچیلیکلرینگ
بیتمسدن،
کیپریک آتدیم.
بیر دمده،
بار، یوقینگ نی
یوقاتدیم.
15- مارچ- 2009
نو نهالیم!
حسلریمده کوکلم اوتماقده!
باغده سیندن باشقه
کوچتلر
کورتک آتماقده
سیراقی قوشلر بو خوش بویلیکدن مست الست
ینگی قده لگن قلمچه خیمچه لر هم یشنه گن
اما بیر سین بزم ارا کوز آچمه گن
گاه قتتیق شمال بوی نینگ نی إیگر،
گاه ایسیق هوا میغچه نگنی إیزر،
گاه میر آب سینینگ رزقینگ نی اوزر،
گاه باغچی توگره گینگنی بوزر.
قورقمه بو غدار طبیعت ظلمیدن
إیسکی کونده لرگه إیتر حیاتینگ،
ییتی قبت یر آستیده بساطینگ.
ایندی سین بویینگنی کورست نو نهال!!
یشنه ماققه کیلدی فرصت نو نهال!!
۲۲-۰۲-۲۰۰۹
درس داش اکم
بویوک غایه
خیال
دنبورم
تاریخ چقماقلری
خاطره نامه
قرانغو تون
که پلک
شهر بانو
آنه تیلیم
نو نهالیم
شهباز ایرج (بیدلانه)
ذکرالله ایشانچ (اوزبیک تیل و ادبیاتی)
قادر مرادی (اوزبیکچه داستانلر)
فضل احمد یلغوز
تبسم ولایت
فضل احمد بورگوت
کنشکا تورکستانی
محمد عالم کوهکن
کارگر نور اوغلی
ماه جبین علمی قیصاری
حمیدالله تاداش
بی بی سی اوزبیک
هدف فرهنگی بنیادی
بیلگی هفته لیگی
حفیظ الله فیاض
همایون خیری
کاظم امینی
متفکر یاشلر اویشمه سی
شفیع بیگ اوغلی (اینجو)
همایون حدید
نایت اسکین قالب لری
